“Netflix” striming platformasi Megan Markl bilan hamkorlikda ishlanishi kerak boʻlgan animatsion serial loyihasini bekor qildi. Bunga kompaniya tomonidan byudjet xarajatlarining keskin qisqartirilishi sabab boʻlgan.
“Netflix” obunachilarining soni kamayib ketgandan keyin xarajatlarni qayta koʻzdan kechira boshlagan. Striming servisi joriy yilning birinchi choragida 200 mingta tomoshabindan ayrilgan. Kelgusi bir necha oy ichida “Netflix” platformasining xizmatlaridan yana 2 million nafar odam voz kechishi kutilmoqda. Bu holatga Ukrainadagi harbiy operatsiya va obuna narxining qimmatlashib ketgani sabab boʻlgan.
Eslatib oʻtamiz, oʻtgan yili Megan Markl va shahzoda Garri “Netflix” bilan bir nechta loyihalar, jumladan “Marvarid” multserialini yaratish masalasida shartnoma imzolagan edilar. Animatsion serialda 12 yoshli qizaloqning hayoti haqida hikoya qilinishi kutilayotgan edi.
Multfilm shahzoda Garri va Megan Marklga tegishli “Archewell Productions” kompaniyasi tomonidan yaratilishi kerak boʻlgan. “Marvarid” loyihasi toʻxtatilganiga qaramay, “Netflix“ning “Archewell Productions” bilan hamkorligi “Engilmaslar yuragi” nomli loyiha doirasida davom etadi. Ushbu hujjatli filmda Garri tomonidan taʼsis etilgan “Invictus Games” musobaqalari haqida hikoya qilinadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!