“PSJ” hujumchisi Neymar kecha Fransiya chempionati navbatdagi turi doirasida “Bordo”ga qarshi o‘yinda (3:2) dubl qayd etdi.

Bu bilan 29 yoshli futbolchi o‘z faoliyatidagi 400 va 401-gollarini urdi.

Umuman olganda Neymar “PSJ” safida barcha musobaqalar doirasida 90, “Santos” uchun 136, “Barselona” safida 105 hamda Braziliya terma jamoasi tarkibida 70 gol urgan.

Shuningdek, braziliyalik hujumchi Parij klubi tarixidagi eng yaxshi to'purarlar orasida 8-o‘ringa ko‘tarilib oldi. U 89 ta gol urgan Anhel Di Mariyani ortda qoldirdi.

Bu borada “PSJ”ning rekordchisi Edinson Kavani (200) hisoblanadi. Top-7likda, shuningdek, Zlatan Ibrahimovich (156), Kilian Mbappe (139), Pauleta (109), Dominik Roshto (100), Mustafo Daleb (98) hamda Fransua Mpele (95) joy olgan.

• Futbol