Kungaboqar pistasini yoqtirmaydigan odamning oʻzi boʻlmasa kerak. Uning tarkibida foydali moddalar, vitaminlar hamda mikroelementlar saqlanadi. Tarkibidagi E vitamini miqdori boʻyicha pistaga teng keladigan birorta ham mahsulot yoʻq. 100 gramm kungaboqar pistasi isteʼmoli odam organizmining E vitaminiga boʻlgan bir kunlik ehtiyojini toʻliq qondira oladi. Shuningdek, kungaboqar pistasi tarkibida selen hamda fosfor ham bor.
Nima uchun koʻp pista chaqish tomoq ogʻrigʻiga sabab boʻladi?
Kungaboqar pistasini keragidan koʻp miqdorda isteʼmol qilish organizmga zarar yetkazishi bor gap. Gap shundaki, pistaning koʻzga koʻrinmaydigan kichik boʻlaklari tomoqdagi bodomsimon bezga jarohat yetkazadi. Agar mikroskopik jarohatlarga bakteriya tushib qolsa, tomoq sohasida ogʻriq paydo boʻladi.
Shifokorlar bu holatning oldini olish uchun pista chaqish vaqtida ham uni imkon qadar koʻproq chaynashni tavsiya etishadi.
Tomoq ogʻrigʻi boshlangan boʻlsa, pista chaqish mumkin?
Kungaboqar pistasini haddan tashqari yaxshi koʻrsangiz ham, tomogʻingiz ogʻrigan vaqtda uning isteʼmolidan butunlay cheklanishingiz kerak. Pista, barcha turdagi yongʻoqlar va shirinliklarning bu vaqtda bodomsimon bezga jarohat yetkazishi ehtimoli har doimgidan ham kattaroq boʻladi. Bodomsimon bezdagi jarohatlar soni qanchalik koʻp boʻlsa, bakteriyalarning ushbu sohada koʻpayishi ham shunchalik tezlashib ketadi, bu esa oʻz navbatida kasallikdan tuzalish davrini choʻzib yuboradi.
Tomoqda ogʻriq va yalligʻlanish paydo boʻlgan holatda maxsus parhezga amal qilish juda muhim – tuzalguningizga qadar sabzavotlarni faqat bugʻda pishirib yeyishingiz kerak. Tomoq ogʻrigʻini yengishda sabzi, piyoz, sarimsoq, goʻshtli bulyonlar, limonli issiq choy yaxshi yordam beradi.
Kungaboqar pistasining 50 foizi oʻsimlik yogʻlaridan iborat boʻlgani uchun uni hazm qilish oson emas. Pista chaqish vaqtida uning tarkibidagi yogʻlar ogʻiz boʻshligʻining shilliq qavatida yupqa qatlam hosil qiladi, natijada nafas olish qiyinlashadi, oshqozon ham uni hazm qilish uchun kattagina kuch sarflaydi. Kungaboqar pistasi yuqori kaloriyali mahsulot boʻlgani sababli uni kunning ikkinchi yarmida isteʼmol qilish tavsiya etilmaydi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!