Futbolga oid turli statistik maʼlumotlar taqdim etib boruvchi WhoScored portali Italiya A Seriyasi 12-turidan  oʻrin olgan “Venetsiya” – “Roma” (3:2) oʻyinidan keyin futbolchilarning koʻrsatgan oʻyiniga baho berdi.

Portalning 10 ballik tizimda bergan baholariga koʻra, “Roma” safidan eng yuqori koʻrsatkich Eldor Shomurodov tomonidan qayd etilgan. 

Shu kuni “boʻrilar” safida A Seriyadagi dastlabki golini kiritish bilan birga assistenlik ham qilgan oʻzbekistonlik hujumchining harakatlari 8,5 ballga loyiq koʻrilgan.

Shomurodovdan keyingi eng yuqori baho Temmi Abrahamga tegishli boʻlib, angliyalik futbolchi 7,9 ballga ega boʻlgan. Pellegrini esa 7,5 ball olgan.

Qayd etish mumkin, Eldor A Seriya joriy mavsumida 10 ta oʻyinda maydonga tushib, bitta gol va 3ta golli uzatmaga mualliflik qilgan.

Maʼlumot uchun, “Roma” chempionat doirasidagi 12 uchrashuvdan keyin 19 ochko bilan turnir jadvalida 6-oʻrinni egallab turibdi.

• Futbol