Toshkentdagi “Yunusobod” sport majmuasida og‘ir atletika bo‘yicha -109 kg vazn toifasigacha jahon chempionlari nomi aniq bo‘ldi.

Quvonarlisi, shohsupaning eng yuqori pog‘onalariga ikki o‘zbekistonlik sportchi chiqishdi. Dast ko‘tarish bahslarida ham, siltab ko‘tarish bahslarida ham eng yaxshi natija ko‘rsatgan Tokio Olimpiadasi chempioni Akbar Jo‘rayev jahon chempionatida ham tengsiz deb topildi. 

Kumush medal esa umumiy hisobda 421 kg tosh ko‘targan Rio Olimpiyadasi chempioni va jahon rekordchisi Ruslan Nuriddinovga nasib etdi. Ikki sportchimiz chempionlik uchun so‘nggi pallalargacha kurishishdi.

Armanistonlik Simon Martirosyan kuchli uchlikni yakunlab berdi.

Og‘ir atletika bo‘yicha jahon chempionati-2021

Erkaklar -109 kg:

1. Akbar Jo‘rayev (O‘zbekiston) – 433 (195+238) kg

2. Ruslan Nurudinov (O‘zbekiston) – 421 (185+236) kg

3. Simon Martirosyan (Armaniston) – 416 (188+228) kg.

• Og‘ir atletika
• Sport