Bahraynning Manama shahrida ogʻir atletika boʻyicha jahon chempionat boʻlib oʻtdi. 

Unda ishtirok etgan mamlakatimiz sportchilari 29 ta mamlakat terma jamoalari orasida umumjamoa hisobida 1-oʻrinni egalladi.

Yakuniy natijalarga koʻra, Oʻzbekiston terma jamoasi 6 ta oltin, 3 ta kumush, 10 ta bronza medali bilan 1-oʻrinni egalladi.

4 ta oltin, 5 ta kumush, 7 ta bronza medalni qoʻlga kiritgan Eron vakillariga 2-oʻrin nasib etdi. 4 ta oltin, 3 ta kumush medal sohibi boʻlgan Xitoy terma jamoasi kuchli uchlikni yakunlagan boʻlsa, Qozogʻiston, Bahrayn jamoalari ulardan keyingi pogʻonalardan joy olishdi.

Yana bir oʻziga xos jihati Oʻzbekiston terma jamoasi Olimpiya oʻyinlari va jahon chempionati gʻoliblari Ruslan Nuruddinov va Akbar Joʻrayevning ishtirokisiz shunday natijaga erishish bilan qitʼa chempionatida ilk bor medallar soni jihatdan doimiy peshqadamlar Xitoy hamda Eron terma jamoalarini ortda qoldirishga muvaffaq boʻldi.

Osiyo chempionatida gʻolib va sovrindorga aylangan sportchilarimiz:

67 kg vazn toifasida Adhamjon Ergashev 3 ta oltin;

73 kg vazn toifasida Doston Yoqubov 2 ta oltin, 1 ta bronza;

102 kg vazn toifasida Sharofiddin Amriddinov 1 ta oltin va 2 ta bronza;

81 kg vazn toifasida Muhammadqodir Toshtemirovda 2 ta kumush, 1 ta bronza;

81 kg vazn toifasida Ogʻabek Toʻxtayev 1 ta bronza;

87 kg vazn toifasida Tursunoy Jabborova 1 ta kumush, 1 ta bronza;

55 kg vazn toifasida eng yosh sportchi Nigora Abdullayeva 2 ta bronza;

49 kg vazn toifasida Jamila Panfilova 1 ta bronza.

81kg vazn toifasida Rigina Adashbayeva 1 ta bronza.

• Og‘ir atletika
• O‘zbekiston