AQSh, Buyuk Britaniya, Portugaliya va Hindiston koronavirus pandemiyasidan keyingi yili qutulib ketishi mumkin. Taniqli epidemiologlar ishtirokida oʻtkazilgan soʻrovnomada aynan mana shunday taxmin ilgari surildi.
Olimlarning aytishlaricha, ushbu mamlakatlar koronavirusga qarshi emlanish va kasallikni boshdan kechirganlarda hosil boʻlgan tabiiy immunitetning oʻziga xos kombinatsiyasiga ega boʻladi. Koronavirus bu mamlakatlarda mavsumiy kasallikka aylanib qolishi ham mumkin.
“Bugungi kundan boshlab 2022-yil oxiriga qadar virus ustidan nazoratni qoʻlga olishga, kasallikning ogʻir turiga chalinish holatlari va oʻlim koʻrsatkichlarini kamaytirishga erishamiz, deb hisoblaymiz”, deydi JSST bosh epidemiologi Mariya Van Kerkxove.
Mutaxassislar shu bilan birga koronavirus hali uzoq yillar mobaynida aholi orasidagi yuqori oʻlim koʻrsatkichining asosiy sabablaridan biri boʻlib qolishini taxmin qilishgan. Olimlarning ayrimlari uning xuddi qizamiq kabi emlanish darajasi past boʻlgan odamlar orasida vaqti-vaqti bilan avj olishi, yana boshqa bir guruh olimlar esa COVID-19 grippga oʻxshash kasallikka aylanishini aytib oʻtganlar.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!