“Manchester Yunayted”ning sobiq futbolchisi Rio Ferdinand Krishtianu Ronalduning “Oltin to‘p”ni qo‘lga kiritish imkoniyatlarini yuqori baholadi.

“Bu yili hech kim ushbu sovrin uchun kurashda yaqqol ajralib turmadi, ochig‘i aytish qiyin. Ilgari bu masala ko'tarilmagan, faqat ikkita nom bor edi: Messi va Ronaldu. 

Bu yil “Oltin to‘p” uchun kurashda Krishtianu favorit emas, chunki uning jamoalari chempion bo‘la olmadi va u ham kattaroq turnirda g‘alaba qozona olmadi. Juda ko‘p gol urish hech narsani anglatmaydi.

Ammo, agar u hozir qilayotgan ishini davom ettirsa, keyingi mavsumda, albatta, “Oltin to‘p”ni yutishi mumkin bo‘ladi”, - deydi Ferdinand.  

• Futbol