Toʻgʻri tuzilgan taomnoma – salomatlik va uzoq umr koʻrishga yordam beruvchi muhim omil sanaladi. Ayrim mahsulotlar oʻzining shifobaxsh xususiyatlari bilan organizmga ijobiy taʼsir koʻrsatayotgan bir vaqtda boshqa turdagi mahsulotlar kasalliklarning qoʻzgʻatib yuborishi mumkin. Taomnomaga maʼlum turdagi yeguliklarni qoʻshish esa turli kasalliklardan himoyalanish, xavfi infeksiyalarni yuqtirib olmaslikni taʼminlaydi.

Insoniyat bir necha yillardan beri COVID-19 virusi bilan kurashadi. Bugungi kunga vaksina olgan va koronavirusga bir necha marta chalingan odamlar ham yangi shtammni yuqtirib olish xavfi bilan toʻqnash keldilar. Organizmni “omikron” shtammidan himoyalash uchun qanday mahsulotlarni koʻproq tanovul qilish kerakligini bilasizmi?

1. Tarkibida Omega-3 saqlovchi mahsulotlar

Yogʻ kislotalari organizmining bir maromda ishlashini taʼminlaydi. Foydali yogʻlar yalligʻlanish jarayoniga qarshi kurashadi, sochlar, tirnoqlar va teri holatini yaxshilaydi. Omega-3 ni baliq, avokado, tuxum, mol goʻshti, yongʻoqlar va zigʻir yogʻi tarkibidan topishingiz mumkin. Shuni unutmangki, zigʻir yogʻini koʻp saqlash mumkin emas. Uni salatlar ichiga qoʻshib yuborsangiz, salatga ajoyib maza berish bilan birga organizmni foydali minerallar bilan toʻyintirgan boʻlasiz. Shu tariqa, bir oʻq bilan ikki quyonni urishga erishsiz.

2. Reza mevalar

Qoragʻat, malina, maymunjon, smorodina – bularning barchasining hech bir ikkilanishsiz virus qotillari deb taʼriflash mumkin. Ularni muntazam ravishda isteʼmol qilish immunitetni mustahkamlaydi, asab va yurak-qontomir tizimi faoliyatiga ijobiy taʼsir koʻrsatadi. Ichaklarning yaxshi ishlashiga yordam beradi va moddalar almashinuvini ragʻbatlantiradi.

3. Zanjabil va sarimsoq

Xayriyatki, ushbu mahsulotlarning foydasidan bahramand boʻlish uchun ularni koʻp miqdorda isteʼmol qilish shart emas. Zanjabil va sarimsoq tanovulida meʼyor tushunchasi juda muhim. Aks holda oshqozonning shilliq qavatiga zarar yetishi, gastrit va oshqozon yarasi paydo boʻlishi hech gap emas.

4. Sut-qatiq mahsulotlari

Ushbu mahsulotlar tarkibida A, B, E, D vitaminlari, kalsiy, magniy, fosfor mavjud ekanligini bilsangiz kerak. Ularni xarid qilish vaqtida mahsulotning tabiiy ekanligiga diqqat qiling. Eng yaxshisi, ularni uy sharoitida oʻzingiz tayyorlang. Qadoqlangan sut-qatiq mahsulotlarining ayrimlari tarkibida tabiiylikdan asar ham boʻlmaydi. Shunday ekan, oʻzingiz va oila aʼzolaringiz uchun tabiiy mahsulotlar tayyorlashdan erinmang.

5. Sariyogʻ

Sariyogʻni ortiqcha vaznga sabab boʻladigan, organizmga salbiy taʼsir koʻrsatadigan mahsulot deb bilsangiz, qattiq adashasiz. Aslida uning tarkibidagi viruslarga qarshi kurashuvchi foydali yogʻlar miqdori siz oʻylagandan ancha koʻp. Sariyogʻ oʻpkalarni viruslardan himoya qiladi, tarkibidagi A vitamini hisobiga virus tufayli jiddiy zarar koʻrgan shilliq qavatlarni qisqa vaqt ichida qayta tiklaydi.

• Foydali
• salomatlik