Kecha, 16-oktyabr kuni Prezident “ToshkentboshplanLITI” davlat unitar korxonasiga bordi.

“Endi kelajakni o‘ylab, strategiyani aniq belgilab olmasak, o‘n yildan keyin shaharda yashash qiyin bo‘lib ketadi. Qo‘shimcha bosimni infratuzilma ko‘tarmaydi”, – dedi davlat rahbari.

Shuningdek, Prezident topishirig‘i bilan Toshkent shahrida 130 km. uzunlikdagi “Yashil kamar” barpo etiladi.

Bundan tashqari 2045-yilga qadar shaharning sharqiy qismida – Qorasuv va Chirchiq daryolari oralig‘ida 500 ming aholiga mo‘ljallangan Yangi Toshkent shahri quriladi.

Bugungi kunda shahar maydoni 43 000 gektar bo‘lib, aholi soni 3 millionga yaqin. Biroq yashil hududlar maydoni atigi 7000 gektarni tashkil etadi va loyihaga ko‘ra 25 000 gektarga yetkazish ko‘zda tutilgan.

• Ob-havo
• Prezident
• daraxt
• tabiat