Milliy mass-mediani qo‘llab-quvvatlash va rivojlantirish jamoat fondi Meta kompaniyasi bilan hamkorlikda elchixonalar, bosh konsulliklar, missiyalar, elchilar va O‘zbekiston Tashqi ishlar vazirligi vakillarining Instagram va Facebook’dagi 40 dan ortiq akkauntlarini verifikatsiyadan o‘tkazdi. Bu haqida fond matbuot xizmati xabar berdi.
Qayd etilishicha, verifikatsiya natijasida mamlakat tashqarisidagi fuqarolar, xorijiy foydalanuvchilar va OAV O‘zbekiston diplomatik vakolatxonalarining tasdiqlangan akkauntlarini to‘g‘ri topib, dolzarb ma’lumotlarni olish imkoniyatiga ega bo‘ladi.
“Shuningdek, bu Tashqi ishlar vazirligining vakillik tuzilmalariga mamlakatning xalqaro maydondagi mavqeyini faol targ‘ib qilish va davlatimiz haqidagi feyk ma’lumotlarga yanada samarali qarshi turish imkonini beradi”, – deyiladi xabarda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!