UzPFL mavsum yakunidagi soʻnggi hal qiluvchi oʻyinlar sanasi hamda vaqtini eʼlon qildi.
“2021-yilgi mavsumda Oʻzbekiston Professional futbol ligasi tomonidan oʻtkaziladigan musobaqalar reglamenti”ning 21.1-bandi 4-xatboshisiga koʻra, mavsum yakuniga koʻra Superligada 12-oʻrinni band qilgan klub ligadagi oʻrnini saqlab qolish uchun Pro liganing uchinchi jamoasiga qarshi oʻtish oʻyinida ishtirok etadi. Mazkur bandning 5-xatboshisiga koʻra, oʻtish oʻyini Pro liga klubi maydonida tashkil etiladi.
Oʻzbekiston Professional futbol ligasi oʻtish uchrashuvini 2-dekabr sanasida oʻtkazadi. Bellashuv 14:00 da start oladi.
Oʻtish oʻyinining asosiy vaqtida gʻolib jamoani aniqlash imkoni boʻlmasa, 15 daqiqadan ikki qoʻshimcha taymlar belgilanadi.
Shunda ham gʻolib nomiga oydinlik kiritilmasa, Superliganing 2022-yilgi mavsumiga yoʻllanma oluvchi soʻnggi jamoa nomi penaltilar seriyasiga koʻra aniqlanadi.
Oʻzbekiston kubogining final uchrashuvi esa 4-dekabr kuni Samarqand shahrida boʻlib oʻtadi. Bellashuv 16:00da start oladi”, - deyiladi PFL xabarida.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!