O‘zbekiston Tashqi ishlar vazirligi Afg‘oniston bilan chegarada otishma sodir bo‘lgani va buning oqibatida harbiy xizmatchilar halok bo‘lgani to‘g‘risidagi xabarlarni rad etdi.
Ma’lum bo‘lishicha, ayrim ijtimoiy tarmoqlarda Afg‘oniston manbalariga tayanib, go‘yoki 2022-yil 4-mayga o‘tar kechasi O‘zbekiston–Afg‘oniston chegarasida otishma sodir bo‘lgani, uning oqibatida O‘zbekiston Davlat xavfsizlik xizmati Chegara qo‘shinlari harbiy xizmatchilari halok bo‘lgani haqida xabarlar tarqalmoqda.
“Shuni ma’lum qilamizki, tarqatilgan xabarlar umuman haqiqatga to‘g‘ri kelmaydi. Chegarada vaziyat osoyishtaligicha qolmoqda, janubiy sarhadlarni qo‘riqlash odatdagi tartibda olib borilmoqda. Afg‘oniston muvaqqat hukumati rasmiy vakili Zabihulla Mujohid ham turli internet nashrlarida paydo bo‘lgan maqolalarni yolg‘on va asossiz deb atadi”, – deyiladi bayonotda.
Tashqi ishlar vazirligi ommaviy axborot vositalaridan jurnalist etikasiga qat’iy rioya qilishga, o‘z manbalarida noto‘g‘ri va tekshirilmagan ma’lumotlarni joylashtirishdan saqlanishga chaqiradi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!