22°
Kechasi 13°
O‘zbekistonda 9 may – Xotira va qadrlash kuni munosabati bilan harbiy paradlar o‘tkazilmaydi. Bu haqda Milliy matbuot markazida Mudofaa vazirligi vakillari ishtirokida o‘tgan matbuot anjumanida ma’lum qilindi.
Mudofaa vazirligi tarbiyaviy va mafkuraviy ishlar bosh boshqarmasi boshlig‘i o‘rinbosari, podpolkovnik Oybek Mamadaliyevga ko‘ra, O‘zbekiston bo‘ylab 9-may arafasida harbiy paradlar o‘tkazish nazarda tutilmagan.
“Biz bilamizki, O‘zbekistonda 9-may ‘Gʻalaba kuni’ emas, ‘Xotira va qadrlash kuni’ etib 1999-yil birinchi Prezidentimiz qarorlari bilan belgilangan. Aynan 9-may ‘Xotira va qadrlash kuni’ga bag‘ishlangan bayramlar butun respublika bo‘ylab davom etmoqda. Qariyalarni qadrlash hamda ularga hurmat ko‘rsatish maqsadida tadbirlar boshlab yuborilgan va bu bo‘yicha tadbirlar o‘tkazib kelinmoqda” , deydi podpolkovnik.
Ta’kidlash joiz, 9-may O‘zbekistonda Xotira va qadrlash kuni sifatida nishonlanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
