Mudofaa sanoati davlat qo‘mitasi tasarrufida tashkil etilgan Uchuvchisiz aviasiya majmualarini ilmiy-ishlab chiqarish markazi tomonidan xalqaro texnik talab va standartlarga to‘liq javob beradigan “LOCHIN” nomli uchuvchisiz uchish apparatlarini ishlab chiqarish yo‘lga qo‘yildi.
Ta’kidlanishicha, ikki hil maqsadda foydalanishga mo‘ljallangan mazkur milliy loyiha Markaziy Osiyoda ilk bor O‘zbekistonda o‘zlashtirilgan.
Markaz uchuvchisiz aviatsiya majmualarini ishlab chiqarish, yig‘ish, ta’mirlash va texnik xizmat ko‘rsatish uchun zarur yig‘uv jamlanmalari, texnologik va maxsus uskunalar, tekshirish (test laboratoriya) moslamalari kabi texnologik jihozlar bilan to‘liq ta’minlangan.
Qo‘mita Matbuot xizmatiga ko‘ra, milliy brend ostida ishlab chiqilgan samolyot va kvadrokopter turidagi “Lochin” uchuvchisiz uchish apparati bir qancha maqsadlarda foydalanishga mo‘ljallangan bo‘lib, razvedka qilish, zarba berish, real vaqt rejimida kuzatish, ma’lumot olish, artilleriya o‘t ochish jarayonini boshqarish kabi vazifalarni bajarish bilan bir qatorda qishloq xo‘jaligi, neft va gaz, o‘rmon xo‘jaligi, temir yo‘llar, geologiya, qidiruv sohalarida kartografiya, topogeodeziya, ekinlarni defoliatsiya qilish, qo‘riqxonalarni, yo‘llarni, ijtimoiy infratuzilma hamda muhim obektlarni kuzatib borish va boshqa maqsadlarda foydalanish imkoniyatini beradi.
Markaz tomonidan strategik darajada qo‘llaniladigan uchuvchisiz aviatsiya majmualarini ishlab chiqarishni tashkil etish hamda uchuvchisiz aviasiya sohasini innovasion rivojlantirish bo‘yicha ilmiy-tadqiqot va tajriba-konstruktorlik ishlarini shakllantirish yo‘nalishlarida istiqbolli loyihalar olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!