3-may kuni Xalq ta’limi vaziri Baxtiyor Saidov Jahon bankining Yevropa va Markaziy Osiyo mintaqalari ta’lim sektori menejeri Garri Patrinos va Jahon bankining O‘zbekistondagi vakolatxonasi rahbari Marko Mantovanelli bilan uchrashdi.

Ma’lum qilinishicha, uchrashuvda ta’lim tizimini isloh qilish bo‘yicha keyingi qadamlar va uni iqtisodiyotning jahon andozalari darajasidagi tizimiga aylantirish hamda mamlakatning iqtisodiy o‘sishi va rivojlanishini qo‘llab-quvvatlash bo‘yicha xalqaro tajribalarni tadbiq qilish, shuningdek, “Xalq ta’limi tizimini isloh qilish asosida mamlakatimizda iqtisodiy o‘sish suratlarini oshirishga qaratilgan” yangi investitsiya loyihasi Jahon bankining 2022-2026-yillarga mo‘ljallangan O‘zbekiston bilan hamkorlik dasturi doirasida muhokama qilindi.

Suhbat yakunida Xalq ta’limi tizimidagi o‘qituvchilarning bilim va malakalarini yanada oshirish, bunda, ta’lim yo‘nalishidagi xalqaro ekspertlar va konsultantlarni O‘zbekistonga jalb etish bo‘yicha aniq rejalar belgilab olindi.

• Jahon banki
• XTV