Joriy yilning yanvar-fevral oylarida O‘zbekiston Respublikasida jami 12 mlrd. 825 mln. so‘mlik qurilish ishlari bajarilgan. Bu haqda Davlat statistika qo‘mitasi axborot xizmati ma’lum qildi.

Qayd etilishicha, 2021-yilning yanvar-fevral oylariga nisbatan o‘sish sur’ati 102,8 foizni tashkil etdi. Qurilish ishlari hajmida yirik qurilish tashkilotlari tomonidan bajarilgan ishlar 13,6 foizni, kichik korxona va mikrofirmalar 69,4 foizni hamda norasmiy sektorlar 17,0 foizni tashkil etdi.

Eslatib o‘tamiz, avvalroq Prezident qarori bilan ichki yo‘llarni ta’mirlash uchun 2 trillion so‘m, ichimlik suv ta’minotini yaxshilash uchun 1 trillion so‘m, ijtimoiy soha va boshqa ob’yektlarni qurish (ta’mirlash) va obodonlashtirishga 1,4 trillion so‘m mablag‘ ajratilishi haqida xabar berilgandi.

• Yo‘l-qurilish
• statistika