Oʻzbekistonning 4 ta oliy ta’lim muassasasi “Quacquarelli Symonds” xalqaro agentligining 2022-yil uchun eng yaxshi universitetlar reytingida koʻrsatkichlar boʻyicha oʻz natijalarini oshirdi. Bu haqida Oliy va oʻrta maxsus taʼlim vazirligi axborot xizmati xabar bermoqda.

QS World University Rankings EECA,  ya’ni Rivojlanayotgan Yevropa va Markaziy Osiyo davlatlari reyting natijalariga koʻra, Oʻzbekiston milliy universiteti  oʻtgan yili 351+ oʻrin olgan boʻlsa, 2022-yil uchun e’lon qilingan reytingda 100 pogʻona yuqoriga koʻtarilib, 251+ oʻrinni egallagan.

Bundan tashqari, “Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universiteti 211+ oʻrin bilan oʻtgan yilgi natijalardan 40 pogʻona yuqoriga koʻtarilgan.

Shuningdek, Toshkent davlat texnika universiteti va Samarqand davlat universitetlari oʻtgan yilgi 351+ oʻrinni saqlab turishibdi.

• Universitet
• rekord