Oziq-ovqat va favqulodda yuklarni olib ketayotgan Xitoy–Yevropa yuk poyezdi 22-iyun kuni O‘zbekistonga jo‘nab ketgan.

Xususan, 94 ta konteynerdan iborat yuk poyezdi Xitoy janubidagi Guansi-Chjuan avtonom rayoni poytaxti Nanning shahridan yo‘lga chiqqan. Poyezd 4662 km yo‘l bosib, 7 kunda Toshkentga yetib kelishi rejalashtirilmoqda.

Yuklar orasida shakar, tarmoq kabellari, shuningdek, Vyetnam kaju yong‘og‘i kabi 2418 tonna mahsulot bor.

Xitoy–Qozog‘iston–O‘zbekiston yuk poyezdi Guansi shahridan O‘zbekistonga qatnovchi Xitoy–Yevropa yo‘nalishidagi birinchi yuk poyezdi hisoblanadi.

Bundan tashqari u Guansi tomonidan ishga tushirilgan beshinchi Xitoy–Yevropa yuk poyezdi yo‘nalishidir.

Bojxona rasmiylashtiruvining soddalashtirilgan tartibi tufayli yangi yo‘nalish yuk tashish vaqtini bir-ikki kunga qisqartiradi, tovarlarni yetkazib berishni samarali ta’minlaydi.

• Poyezd
• Xitoy