Livan poytaxti Bayrut shahri mezbonligida oʻtayotgan dzyudo boʻyicha oʻsmirlar va yoshlar oʻrtasidagi Osiyo chempionatida oʻsimlar toifasidagi bahslar yakunlangan. Bu haqda Oʻzbekiston Dzyudo Federatsiyasi xabar berdi.

Ikki kun davomida qitʼamizning 16 davlati oʻsmir dzyudochilari medallar uchun tatamiga chiqishdi. Mazkur bellashuvlarda 11 nafar Oʻzbekiston oʻsmirlar terma jamoasi aʼzolari tomonidan 10 ta medal qoʻlga kiritildi.

Ikki kunlik bahslar yakuniga koʻra, Oʻzbekiston 9 ta oltin, 5 ta kumush, 5 ta bronza medali bilan umumjamoa hisobida katta farq bilan birinchi oʻrinni egalladi.

Oʻz navbatida, ikkinchi oʻrinni 3 ta oltin, 8 ta kumush, 1 ta bronza medali bilan Qozogʻiston terma jamoasi egallagan boʻlsa, Janubiy Koreya 3 ta oltin, 1 ta kumush, 7 ta bronza medali bilan kuchli uchlikka yakun yasadi.

• O‘zbekiston
• Sport