Toshkentda qilichbozlik bo‘yicha yoshlar o‘rtasidagi Jahon kubogi bahslari o‘z yakuniga yetdi. Sablya qurolida o‘tgan qizlar musobaqasida sportchilarimiz tengsiz bo‘lishdi.
Dastlab Misr jamoasini 45:21 hisobida mag‘lubiyatga uchratgan o‘zbekistonlik qilichbozlar yarim finalda bolgariyalik raqibalaridan 45:36 hisobida ustun kelishdi.
Finalda esa kutilganidek O‘zbekiston va Rossiya yoshlari ro‘baro kelishdi. Keskin va murosasiz o‘tgan bellashuvda vakillarimiz 45:36 hisobida g‘alaba qozonib, oltin medallarni qo‘lga kiritishdi.
Eslatib o‘tamiz, kechagi yakkalik bahslarida Zaynab Dayibekova barcha raqiblarini mag‘lub etib, shohsupaning eng yuqori pog‘onasiga ko‘tarilgan edi.
Bugun jamoaviy dasturda Zaynab Dayibekova, Gulistan Perdibayeva, Samira Shokirova hamda Venera Isroilova yurtimiz sharafini himoya qilishdi
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!