Ispaniyaning Barselona provinsiyasi Kasteldefels shahrida shaxmat boʻyicha “El Llobregat” xalqaro turniri tashkil etildi. Unda dunyoning 30dan ortiq mamlakatidan 150 nafar mahoratli shaxmatchilar gʻoliblik uchun bahs olib borishdi. Bu haqda Turizm va sport vazirligi maʼlum qildi.

Ishtirokchilar orasida eng yuqori reytingga ega boʻlgan hamyurtimiz, xalqaro grossmeyster Nodirbek Abdusattorov yakunda 9 imkoniyatdan 7 ochko jamgʻargan holda 1-oʻrinni egalladi.

6-turdan keyin Nodirbek peshqadamlardan yarim ochkoga ortda qolayotgan edi. Ammo, 7-8-turlar hamyurtimiz uchun omadli keldi. Avvaliga u qora donalarda niderlandiyalik Tomas Berdsen ustidan gʻalabaga erishgan boʻlsa, 8-turda oq donalar bilan ozarbayjonlik Eltaj Safarlini magʻlub etdi.

Soʻnggi turda esa ispaniyalik Santos Latasa bilan during oʻynadi va xalqaro turnirni 7 ochko bilan peshqadam sifatida yakunladi.

• O‘zbekiston
• Shaxmat
• Sport