Alimardon Mahmudov short-trek boʻyicha oʻtkazilgan mintaqalararo musobaqada gʻolib boʻldi.
Qayd etilishicha, 2022-yilning 7-9 yanvar kunlari Rossiya Federatsiyasining Sankt- Peterburg shahrida Olimpiya oʻyinlari dasturidan oʻrin olgan short-trek boʻyicha bolalar oʻrtasida “Yosh yuguruvchi” mintaqalararo musobaqasi oʻtkazildi.
Musobaqada mezbon Rossiya va Oʻzbekistondan tashqari MDH tashkilotiga aʼzo mamlakatlar sportchilari gʻoliblik uchun kurash olib borishdi.
Ahamiyatlisi, unda ishtirok etgan yosh hamyurtimiz gʻoliblar safidan joy oldi. Oʻgʻil bolalar bahsida ishtirok etgan Alimardon Mahmudov 500 metr, 333 metr va 222 metr masofalarida kechgan bahslarda mintaqaning eng kuchli sportchisi ekanligini isbotladi.
Eslatib oʻtamiz, avvalroq yosh sportchimizning Tver shahrida oʻtkazilgan musobaqada 4 yoʻnalishda gʻolib boʻlgani haqida xabar berilgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!