Para yengil atletika boʻyicha Tunis mezbonlik qilgan xalqaro Gran-Prining soʻnggi kuni ham O‘zbekiston terma jamoasi uchun muvaffaqiyatli kechdi.

Jumladan, erkaklar oʻrtasida F37 klassida yadro uloqtirish bahslarida ikki nafar hamyurtimiz — Muhammad Rixsimov hamda Qudratullo Maʼrufxoʻjayev sovrindorlar safidan joy oldi.

Rixsimov 13,86 metr natija bilan kumush medalga ega chiqqan boʻlsa, 12,87 metr natija qayd etgan Maʼrufxoʻjayev bronza medaliga sazovor boʻldi. Ayollar oʻrtasida F13/46 klassida nayza uloqtirish bahslarida esa Shaxinaxon Yigitaliyeva 32,20 metr natija bilan 3-oʻrinni band etdi va terma jamoamiz hisobiga bronza medalini yozdirib qoʻydi.

Shu tariqa O‘zbekiston para yengil atletika terma jamoasi Tunis Gran-Prisini 4 ta kumush va 2 ta bronza, jami 6 ta medal bilan yakunladi.

• O‘zbekiston
• Yengil atletika