“Telegram” asoschisi Pavel Durov “Bir milliard tushlik” xayriya aksiyasi doirasida 12 million nafar ehtiyojmand inson uchun tushlik xarid qildi.

Tadbirkorning aytishicha, Yer sayyorasi global oziq-ovqat inqirozi yoqasiga turibdi, dunyo boʻylab yuz millionlab insonlar ochlikda hayot kechirmoqda. Shu boisdan Dubay hukumati oʻziga xos tashabbus bilan chiqqan.

“Xayriya aksiyasida yuzdan ortiq odam ishtirok etdi. Ushbu kampaniya muallifi shayx Muhammad 400 millionta tushlik xayriya qildi, mening xayriyam esa – kamtarona 12 millionta tushlik”, deb yozdi Durov.

Tadbirkor kelgusi yili xayriya kampaniyasiga yanada koʻproq odam kelib qoʻshilishi, insoniyat BMT tomonidan qoʻyilgan maqsad – ochlik darajasini nolga tushirishga umid bildirgan.

• Durov
• Telegram
• milliarderlar
• texnologiya