“Paxtakor” sobiq bosh murabbiyi Shota Arveladze Viktor Goncharenkoning isteʼfosidan soʻng “Krasnodar”ni boshqarishga qarshi emas.
“Menga bunday jamoa bilan ishlash qiziq boʻlardi, “Krasnodar” — yaxshi klub. Oldinroq menga bunday taklif kelib tushgan edi, ammo hozir emas”, — deydi Arveladze.
Qayd etish mumkin, 48 yoshli murabbiy Toshkent jamoasi bilan ikki bor Oʻzbekiston chempioni va ikki bor mamlakat kubogi sohibiga aylangan edi.
Arveladze Oʻzbekistonga qadar Turkiyaning “Kayserispor”, “Qosimposhsho” va “Trabzonspor”, shuningdek Isroilning “Makkabi” jamoalarida ishlagan.
Maʼlumot oʻrnida, 2014-2017-yillar hamyurtimiz Odil Ahmedov toʻp tepgan “buqalar” ayni paytda 29 ochko jamgʻargan holda, Rossiya chempionati turnir jadvalida beshinchi oʻrinni band etib turibdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!