Afsonaviy “Pink Floyd” rok-guruhi vakillari oʻz qoʻshiqlariga egalik qilish huquqini 500 million AQSh dollariga sotish qaroriga keldilar. Xaridor guruhning oʻziga xos belgilari tushirilgan esdalik sovgʻalar savdosi bilan shugʻullanish huquqini ham qoʻlga kiritadi.

Maʼlum boʻlishicha, qoʻshiqlarga muallif qilish huquqini “Warner Music” yoki “Sony Music” studiyalaridan biri sotib olishi mumkin.

Koʻplab kompaniyalar musiqiy guruh qoʻshiqlarining mualliflik huquqini sotib olishga avval ham bir necha bor urinib koʻrishgan, ammo guruh aʼzolarining fikri bir joydan chiqmagan edi.

“Bu musiqiy biznes tarixidagi eng yirik kelishuvlardan biri boʻladi”, deydi guruhning rasmiy vakili Lukas Shou.

Eslatib oʻtamiz, “Pink Floyd” guruhi shu kunga qadar 15 ta albom taqdim etgan, ularning uchtasi — “The Dark Side Of The Moon” (1973), “Wish You Were Here” (1975) va “The Wall”(1979) insoniyat tarixidagi eng koʻp sotilgan rok-albom degan taʼrifga sazovor boʻlgan.

• San’at
• mashhurlar