“Milan” rahbarlari jamoa bosh murabbiyi Stefano Pioli bilan yangi shartnoma borasida muzokaralar olib bormoqda. Calciomercato xabariga ko‘ra, tomonlar amaldagi kelishuvni uzaytirishga kelishib olgan.
56 yoshli mutaxassisning “rossonerilar” bilan tuzgan shartnomasi 2024 yilning o‘rtalariga qadar mo‘ljallangan.
Bitimda tomonlarning o‘zaro hamkorlikni yana bir mavsumga uzaytirishi mumkin bo‘lgan band ham mavjud. Murabbiyning maoshi bonuslarni hisobga olmaganda 3,5 million yevroni tashkil qilishi belgilangan.
Ma’lumot uchun, Pioli milanliklar jamoasini 2019-yilning oktyabridan beri boshqarib kelmoqda. Italiya chempionatining 12-turi yakunlariga ko‘ra, “rossonerilar” turnir jadvalida ikkinchi o‘rinni band etishgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!