Polsha Mudofaa vazirligi Koreyaning “Hyundai Rotem”, “Korea Aerospace Industries” va “Hanwha Defence” kompaniyalari bilan qurol eksporti bo‘yicha kelishuv memorandumini imzolaydi.

Koreya Prezident devoni xodimi ushbu kompaniyalar rahbarlari bilan uchrashib, eksport hajmi, narxi va vaqt jadvalini muhokama qilgan.

Ta’kidlanishicha, Polsha hukumati Koreya mudofaa kompaniyalari bilan “Hyundai Rotem”dan K-2 tanklarini, “KAI”dan FA-50 yengil qiruvchi samolyotlarini va “Hanwha”dan K9 o‘ziyurar artilleriyalarini uzoq muddatli kelishuv asosida sotib oladi.

Uchta kompaniyaning eksport hajmi ushbu savdolarning barchasini qo‘shganda 14,5 milliard dollarni tashkil etmoqda.

Polsha 2024-yilgacha 180 ta K-2 tanki sotib olish bo‘yicha muzokara olib bormoqda va 2030-yilga kelib qo‘shimcha ravishda 400 ta K-2 tankini xarid qilishi mumkin.

Mamlakat “KAI”dan 48 ta engil hujumchi FA-50 samolyotlari, shuningdek 670 ta K-9 o‘ziyurar artilleriyasini buyurtma berishni rejalashtirmoqda.

• Janubiy Koreya
• Polsha