Gollivud eng mashhur juftliklaridan biri – Nik Jonas va Priyanka Chopra joriy yilning 21-yanvar kuni qiz farzand koʻrganlari haqida maʼlum qilgandilar. Chaqaloqni surrogat ona dunyoga keltirgan. Juftlik toʻngʻich farzandlariga Malti Mari deb ism qoʻyishgan. Ushbu ism sanskrit tilidan tarjima qilganda “Oy nuri”, “Muattar gul” kabi maʼnolarni beradi.

Chaqaloq muddatidan 12 hafta avval tugʻilgan va 3,5 oy mobaynida reanimatsiya boʻlimida boʻlgan.

Nik Jonas 8-may, Onalar kuni munosabati bilan rafiqasi va qizalogʻining suratini Instagram sahifasiga joyladi. U turmush oʻrtogʻini bayram bilan tabriklab, chaqaloqni yaqindagina uyga olib kelganlarini yozgan.

“Biz oʻta murakkab kechgan bir necha oydan oʻtib oldik, ammo ortga qarab uning har lahzasi qanchalar qimmatli boʻlganini tushunyapmiz. Qizalogʻimizning nihoyat uyda ekani bizni behad quvontirmoqda”, deb yozdi Nik Jonas.

Aktrisa Priyanka Chopra ham oilaviy suratni oʻz sahifasiga joylab, Malta Mariga gʻamxoʻrlik qilgan barcha shifokorlar, hamshiralar va kasalxona xodimlariga minnatdorchilik bildirgan.

Malta Mari – Nik va Priyankaning birinchi farzandi. Juftlik 2018-yilda turmush qurgan.

• Kino
• San’at
• Shou-biznes
• gollivud
• mashhurlar