Ma’lum qilinishicha, joriy yil 18-yanvar kuni Farg‘ona viloyati prokuraturasi va DXX viloyat boshqarmasi tezkor xodimlari bilan hamkorlikda tezkor tadbir o‘tkazilgan.

Bosh prokuratura Matbuot xizmati xabariga ko‘ra, tadbirda Farg‘ona viloyati prokuraturasi bo‘lim katta prokurori A.T. mansab vakolati doirasiga kirmasada, fuqaro A.X.dan unga tegishli bo‘lgan go‘sht do‘koni orqa tomonida joylashgan 1,5 sotix yer maydonini, go‘yoki kadastr xodimlari yordamida uning nomiga rasmiylashtirish evaziga 1000 AQSh dollarini firibgarlik yo‘li bilan olgan vaqtida ushlangan.

Shu kuni mazkur holat yuzasidan Farg‘ona viloyati prokuraturasi tomonidan Jinoyat kodeksining 168-moddasi 3-qismi “v” bandi (Firibgarlik) va 28, 211-moddasi 1-qismi (Pora berish) bilan jinoyat ishi qo‘zg‘atilgan.

Shuningdek, gumonlanuvchi prosessual tartibda ushlangan. Hozirda tergov harakatlari olib borilmoqda, deyiladi xabarda.

• Bosh prokuratura
• Firibgarlik
• Jinoyat