Ukraina Prezidenti Volodimir Zelenskiy xalqaro hamjamiyat Vladimir Putinni yadroviy quroldan foydalanishiga yoʻl qoʻymaydi deb hisoblaydi. Biroq, Zelenskiy xavf haqiqatan mavjud ekanligini inkor etmadi, chunki Putinning rejasi qanday ekanligini faqatgina uning oʻzi biladi.

“Men Putinning yadroviy quroldan foydalanishiga ishonmayman. Dunyo uning bu qurolni ishlatishiga yoʻl qoʻymaydi, deb oʻylayman. Biz bu odamning fikrini oʻqiy olmaymiz. Xavf ehtimoli bor” – deydi Zelenskiy.

Ukraina Prezidentining fikricha, Putinning bu kabi tahdidlari murosa qilishga sabab boʻlolmaydi. “Ertaga Putin “Biz Ukrainadan tashqari Polshaning bir qismini ham bosib olishni istaymiz, aks holda yadroviy quroldan foydalanamiz” deyishi mumkin. Biz bunday murosa qila olmaymiz”, dedi Zelenskiy.

• Putin
• Yadroviy qurol
• Zelenskiy