Qirg‘iz-tojik chegarasida otishma sodir bo‘ldi. Dastlabki maʼlumotlarga ko‘ra, otishma bugun soat 12:00 lar atrofida Botkent viloyatidagi Buloq-Boshi qishlog‘i hududida boshlangan.

Mahalliy OAVlarga ko‘ra otishma ikki davlat chegarachilari o‘rtasida bo‘lib o‘tan. Soat 14:15 ga kelib, otishma to‘xtatildi. Bu haqda Milliy xavfsizlik davlat qo‘mitasining Chegara xizmati maʼlum qildi.

Qirg‘iz tomonining iddao qilishicha, soat 14:07 da ikki davlat chegara bo‘linmalari o‘t ochishni to‘xtatish bo‘yicha buyruq olgan bo‘lsa-da, Tojikiston tomoni Qirg‘iziston tomoni pozitsiyalarini soat 14.15 gacha o‘qqa tutgan.

24.kg agentligi qirg‘izistonlik ikki harbiy yaralangani haqida maʼlumot tarqatdi. “Ularga tibbiy yordam ko‘rsatilmoqda”, – deyiladi agentlik xabarida.

Ayrim manbalarga ko‘ra, otishma Tojikiston harbiy xizmatchilarining ikki davlat o‘rtasidagi shartli chegara chizig‘ini noqonuniy kesib o‘tgani sabab sodir bo‘lgan.

• Chegara
• Otishma
• Qirg‘iziston
• Tojikiston