Rossiyaning Kavkazdagi Checheniston Respublikasi rahbari Ramzan Qodirov rossiyalik jangchilar Kiyev hukumati kuchlariga qarshi urushda yangi taktikaga o‘tishlarini aytdi.

“Biz maxsus operatsiyaning yangi taktikasiga o‘tmoqdamiz. Men Checheniston Respublikasi maxsus operatsiya bo‘yicha tezkor shtab boshlig‘i Magomed Daudov bilan barcha tafsilotlarni muhokama qildim”, — deb ma’lum qilgan Qodirov.

“Dushman yangi reja ortidan jiddiy talofatlar ko‘radi”,  – deya qo‘shimcha qildi u.

Lekin u qanday qo‘shinda qanday yangilanish yoki o‘zgarish bo‘lishi haqida hech qanday ma’lumot ochiqlamagan.

Uning so‘zlariga ko‘ra, yangi taktikalar ilgari qo‘llanilganlaridan ancha ustundir.

• AQSh
• Checheniston
• Ramzan Qodirov
• Rossiya
• Ukraina