Qoraqalpog‘iston va Qozog‘iston o‘rtasidagi 3-iyul kungi temir yo‘l qatnovi bir reysga bekor qilindi. Bu haqida “O‘ztemirlyo‘lyo‘lovchi” aksiyadorlik jamiyati xabar berdi.

Ta’kidlanishicha, Nukus–Beyneu–Nukus yo‘nalishida qatnovini amalga oshiradigan 647/648-sonli halqaro yo‘lovchi poyezdining harakati texnik sabablarga ko‘ra bir reysga qoldirilmoqda.

Xarid qilingan chiptalarning summasi to‘liq qiymatda o‘z egalariga qaytarib beriladi. “O‘ztemiryo‘lyo‘lovchi” AJ rahbariyati keltirilgan noqulaylik uchun yo‘lovchilardan uzr so‘ragan.

Qo‘shimcha ma’lumotlarni Toshkent shahrida 1005 qisqa telefon raqami, joylardagi temiryo‘l kassalari hamda ma’lumotlar byurosidan bilib olish mumkin.

• Qoraqalpog‘iston
• Qozog‘iston
• Temiryo‘l
• poyezd_qatnovi