Qozog‘istonda birinchi sinf o‘quvchilari uchun bir vaqtning o‘zida uchta tilni o‘rganish bekor qilindi.
Qayd etilishicha, yangi o‘quv yilidan boshlab qozoq maktablarida birinchi sinf o‘quvchilariga bir vaqtning o‘zida uchta til o‘rgatilmaydi. Bu haqda mamlakat ta’lim vaziri Asxat Aymagambetov ma’lum qildi.
“Biz shunday qarorga keldik: ikkinchi va uchinchi tillarni o‘zlashtirish uchun bola o‘z ona tilida o‘qish va yozishni o‘rganishi kerak, shuning uchun ta’lim davlat tilida olib boriladigan birinchi sinflardan boshlab bolalar faqat qozoq tilini o‘rganishadi. Ikkinchi sinfdan boshlab rus tili alohida fan sifatida boshlanadi, uchinchi sinfda esa ingliz tili barcha maktablar uchun o‘qitiladi”, – dedi Aymagambetov seshanba kuni hukumat yig‘ilishida.
Shu bilan birga, vazir birinchi sinfdan boshlab bolalarni mehnatga jalb qilish uchun mehnatga tayyorlash va tasviriy san’at singari fanlar joriy etilishini qo‘yimcha qilgan.
Shuningdek, musiqa fani doirasida bolalar o‘z xohishiga ko‘ra do‘mbira chalishni o‘rganishlari mumkin.
Kutilayotgan o‘zgarishlarga qaramay rus tilida o‘qiydigan birinchi va ikkinchi sinf o‘quvchilari dasturida ikkita fan – rus va qozoq tillari o‘z o‘rnida qoladi va ular ham uchinchi sinfdan ingliz tilini o‘rganishni boshlaydi.
Qayd etish mumkin, mamlakatda maktablarida hozirgacha birinchi sinf o‘quvchilari bir vaqtning o‘zida uchta til – qozoq, rus va ingliz tillarini o‘rganayotgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!