Axborot texnologiyalari va kommunikatsiyalarini rivojlantirish vazirligi Qozog‘istonda internetning uzilishi O‘zbekistonda internet bilan bog‘liq muammolarni keltirib chiqarmasligini ma’lum qildi. Bu haqida vazirlik matbuot xizmati xabar berdi.

“Ayni paytda O‘zbekistonda turib qator kz domenidagi saytlarni ochish imkonsiz qolmoqda. Nafaqat muhim yangiliklar saytlari zakon.kz, kursiv.kz, www.inform.kz, tengrinews.kz kabi, balki hatto mamlakat Prezidentining www.akorda.kz sayti ham ochilmayapti.

Lekin, masalan, Rossiya propagandasi uchun xizmat qiluvchi va bo‘lib o‘tayotgan voqealarni buzuq kontekstda ko‘rsatayotgan qozoq domenidagi Sputnik sayti ma’lumotlaridan bemalol foydalanish mumkin bo‘lmoqda”, - deb post qoldirgan Telegram’dagi “Bakiroo” kanali.

Ma’lumot uchun, ayni vaqtda Qozog‘iston mahalliy nashrlariga kirish imkoni cheklangan.

• Internet
• Qozog‘iston