Jambil viloyati politsiya departamenti boshlig‘i general Janat Suleymanov o‘lik holda topilgan. Xabarni mintaqa politsiya departamenti matbuot xizmati tasdiqlagan. Generalning o‘ldirilishi holati o‘rganilmoqda.

Janat Suleymanov 1962-yilning 22-iyulida Karaganda viloyatida tug‘ilgan. Ichki ishlar tizimida 1980-yildan buyon ishlab kelgan. Turli davrlarda mamlakatning turli mintaqadalarida politsiya departamenti boshlig‘i vazifasida ishlagan. IIV giyohvandlikka qarshi kurash va giyohvandlik aylanmasi nazorati qo‘mitasi raisi bo‘lgan. IIV kriminal politsiya qo‘mitasini ham boshqargan. U transport sohasi bo‘yicha politsiya departamenti boshlig‘i bo‘lgan.

Shuningdek, u ichki ishlar vaziri birinchi o‘rinbosari lavozimida ham ishlagan. Jambil viloyati politsiya departamenti boshlig‘i vazifasiga u 2020-yil fevralida kelgan.

Jurnalist tadqiqotchi Mixail Kozachkov o‘z telegramm kanalida Suleymenov o‘z joniga qasd qilgan. Jurnalistga ko‘ra, Qozog‘istonda sodir bo‘lgan tartibsizliklardan so‘ng general ustidan jinoiy ish ochilgan va unga tribunal xavfi bo‘lgan.

Shuningdek, Qozog‘iston milliy xavfsizlik polkovniki Azamat Ibrayev ham o‘lik holda topilgan. Milliy xavfsizlik qo‘mitasi xabari tayanib Vlast.kz iqtibos keltirishicha, “10 yanvar kuni QMX polkovnigi jasadi Azamat Ibrayev jasadi u istiqomat qiladigan uy hududi hovlisidan topilgan.”

Kaz TAG xabariga ko‘ra, 10-yanvar kuni Almatida tuman polisiya boshqarmasi boshlig‘i o‘rinbosarlaridan biri ish joyida o‘lib qolgan. Agenlik xabarida polkovnikning yuragi  vaziyatni ko‘tarolmagan deb aytiladi.

• Qozog‘iston