Bugundan boshlab Qozog‘istondagi barcha McDonald's restoranlari yopildi. 4-iyul kuniga o‘tar kechasidan boshlab restoran buyurtmalarni bekor qila boshlagan.

Ma’lum bo‘lishicha, Restoranlar eshigiga “restoran texnik sabablarga ko‘ra vaqtincha yopilgan”, degan e’lon osib qo‘yilgan.

"Hurmatli mehmonlar! Sizga shuni ma'lum qilamizki, McDonald's restoranlari texnik sabablarga ko'ra vaqtincha yopilgan. Yangiliklarimizni kuzatib boring, restoranlar qachon yana o'z ishini davom ettirishi haqida sizga albatta xabar beramiz. Noqulaylik uchun uzur so'raymiz", – deyiladi restoran rasmiy sahifasida.

Qozog‘istondagi McDonald's restoranlarining egasi Qayrat Boranboyev bo‘lib, u joriy yilning 17 martida hibsga olingan. Qayrat Bo‘ranboyev davlat sektorida o‘ta yirik miqdorda mablag‘larni o‘zlashtirish ishi bo‘yicha hibsga olingan.

Ma’lumot o‘rnida, Qayrat Boranbayevning qizi Alima Qozog‘istonning birinchi prezidenti Nursulton Nazarboyevning 2020-yilning avgust oyida vafot etgan nabirasi Oysultonga turmushga chiqqan edi.

• McDonald's
• Qozog‘iston