Braziliyaning Estadual de Santa Kruz universiteti tadqiqotchilari guruhi tomonidan qurbaqalarning yangi turi kashf etildi. Olimlar yangi turga ekologiya faoli Greta Tunberg sharafiga "Pristimantis gretathunbergae" deb nom berishga qaror qilishdi.
Yangi turga mansub bo‘lgan qurbaqalar Panama orollari hududida yashaydi. Ular tropik o‘rmonlar bilan qurshalgan Chukanti tog‘idan topilgan. Olimlar yangi turga mansub jonivorlarni o‘rganish uchun dengiz sathidan 1000 metr yuqorida tadqiqot ishlarini olib borganlar.
Mutaxassislar "Pristimantis gretathunbergae" hayot kechiradigan hudud yaxlit holatda emasligi va yo‘qolib ketish xavfi ostida turganini qayd etishgan.
Qizig‘i shundaki, qurbaqalarning yangi turiga nom qo‘yish jarayoni auktsion shaklida, AQShning tabiatni himoya qilish bilan shug‘ullanuvchi "Rainforest Trust" tashkiloti tomonidan o‘tkazilgan. Mazkur turdagi auktsionda istalgan odam ishtirok etishi va yangi turga nom berilishi masalasida o‘z takliflarini bildirishi mumkin. Kimoshdi savdosidan tushgan mablag‘ esa yo‘qolib ketish xavfi ostida turgan jonivorlarni saqlab qolishga yo‘naltiriladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!