“PSJ” himoyachisi Serxio Ramos jarohati tufayli haligacha jamoa safida debyut uchrashuvini o‘tkazmadi.

Biroq ispaniyalik futbolchining Fransiya grandi tarkibidagi ilk o‘yini yaqin orada sodir bo‘lishi mumkin. La Parisien xabariga ko'ra, bugun Ramos “PSJ” umumiy guruhida mashg‘ulotlarda ishtirok etgan.

Ayni dam parijliklar qisqartirilgan tarkib bilan mashg‘ulot olib bormoqda, chunki bir qator futbolchilar FIFA kunlari sababli o‘z terma jamoalariga yo‘l olishgan.

Ma’lumot uchun, “PSJ”ning eng yaqin uchrashuvi 20-noyabr, shanba kuni “Nant”ga qarshi bo‘lib o‘tadi. Serxio Ramosning bu o‘yinda ishtirok etishi hali noma’lum.

• Futbol
• Liga 1