Koronavirus infeksiyasi bilan kasallanish holatlari koʻpaygani tufayli “Gremmi” mukofotining 64-marosimi nomaʼlum muddatga qoldirildi. Marosim 31-yanvar kuni Los-Anjeles shahrida oʻtkazilishi kerak edi.
“Shahar va shtat rasmiylari, sogʻliqni saqlash va xavfsizlik boʻyicha ekspertlar, ijodkorlar hamjamiyati va koʻplab hamkorlar ishtirokidagi chuqur tahlildan soʻng “Gremmi” mukofotining 64-marosimini oʻtkazish muddati qoldirildi”, deyiladi xabarda.
Marosim tashkilotchilari oʻz bayonotlarida ijodkorlar hamda yuzlab tomoshabinlar salomatligi va xavfsizligi birinchi oʻrinda ekanligini taʼkidlashgan.
Maʼlumot uchun, “Gremmi” mukofotiga daʼvogarlar roʻyxati 2021-yilning 23-noyabr kuni eʼlon qilingan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!