Madridning “Atletiko” klubi himoyachisi Kevin Trippyer karyerasini “Nyukasl Yunayted”da davom ettiradi.

Arab shayxlari boshqaruviga o‘tgan klub qishki transfer oynasidagi ilk xaridini aynan 31 yoshli futbolchi bilan boshladi. Kevin uchun “Nyukasl” madridliklar hisobida 19 million yevro o‘tkazib berdi.

“Bu ajoyib klubga qo‘shilganimdan xursandman. Madriddagi davr menga juda yoqdi, biroq avvallari birga ishlagan “Nyukasl” va Eddi Xouning qiziqishini bilganimda, shu yerda faoliyatimni davom ettirish ma’qul, degan fikrga keldim. Ammo oldinda bizni juda ko‘p ishlar kutib turipti.

“Nyukasl” futbolchisi sifatida maydonga tushish - katta sharaf” - deydi Trippyer.

Eslatib o‘tamiz, himoyachi 2019-yilda “Tottenxem”dan “Atletiko”ga 22 million yevroga transfer qilingan edi.

• Futbol