Madridning “Real” klubi Eden Azarni Londonning “Chelsi” klubi himoyachisiga almashtirish haqida oʻylamoqda.

“Qirollik” klubi “aristokratlar” himoyachisi Ris Jeyms bilan shartnoma imzolashga qiziqmoqda. “Real” himoyachini oʻz safiga qoʻshib olish uchun belgiyalik futbolchi bilan shartnomani yopishga tayyor.

Oldinroq “Chelsi” rahbariyati Azarni “Stemford Brij”ga qaytarishni istashi haqida xabarlar tarqalgan edi. Roman Abramovichning shaxsan oʻzi bu oʻtishdan manfaatdor.

Qayd etish mumkin, Eden 2012-yildan 2019-yilgacha London jamoasida oʻynagan. U soʻnggi ikki yarim mavsumni “Real”da oʻtkazdi.

• Futbol
• Xorij