Madridning “Real” klubi braziliyalik hujumchisi Vinisius Junior bilan yangi shartnoma imzolash borasida muzokaralar olib bormoqda. Bu haqda ABC jurnalistlari xabar beradi.

Qayd etilishicha, “qirollik klubi” futbolchi bilan oʻzaro hamkorlikni 2028-yilgacha uzaytirmoqchi. Yangi bitim boʻyicha Juniorning maoshi yiliga 5,5 million yevroni tashkil qilishi belgilangan.

Bundan tashqari, madridliklar Vinisius uchun bir milliard yevroga teng boʻlgan tovon puli belgilab qoʻydi. Bu shartnoma bandining bir qismidan aks etgan.

Maʼlumot uchun, joriy mavsum braziliyalik futbolchi 15 ta uchrashuvda maydonga tushib, 9 ta gol urdi va 7 ta golli uzatmani amalga oshirdi.

• Futbol