“Qirollik klubi” rahbarlari asosiy jamoaning bir nechta oʻyinchilaridan qutulish niyatida, deb xabar bergan Marca.

Manbaga koʻra, yanvar oyida qirollik klubi shartnomalari 2022-yilning 30-iyuniga qadar amalda boʻlgan Garet Beyl va Iskoni sotishni rejalashtirgan. Qayd etilishicha, bu qaror murabbiylar shtabi bilan kelishilgan, Karlo Anchelotti bu futbolchilar bilan hisoblashmaydi.

Maʼlum qilinishicha, “qaymoqranglilar” bu mavsumda kamdan-kam maydonga tushayotgan Marseloning har qanday qarorini hurmat qilishadi. Klub Mariano Dias, Luka Yovich va Eden Azar boʻyicha ham takliflarni koʻrib chiqadi.

Oʻz navbatida, “Real Madrid” yanvar oyida hech kimni sotib olishni rejalashtirmayapti va shuning uchun potensial sotuvlarni yozga tayyorgarlik sifatida koʻrmoqda.

Maʼlumot oʻrnida, ayni paytda “qirollik klubi” 46 ochko bilan La Liga turnir jadvalida peshqadamlik qilmoqda.

• Futbol
• Xorij