Ikki karra jahon chempioni, braziliyalik Ronaldo faoliyatini boshlagan “Kruzeyro” klubini sotib oldi.

Sobiq futbolchi “Kruzeyro”ning 90 foiz aksiyalari uchun 70,2 million dollar to‘ladi. Shuningdek Ronaldo oldida klub qarzlarini yopish vazifasi ham turibdi.

Hozirgi kunda “Kruzeyro” Braziliya V Seriyasida harakat qiladi va mavsumni 14-o‘rinda yakunladi. 1997 hamda 2002-yilgi “Oltin to‘p” sohibi 1993-1994-yillar davomida aynan ushbu jamoa libosida maydonga tushgan.

Qayd etish joizki, bu braziliyalikning egalik qiladigan ikkinchi klubi. Ispaniyaning “Valyadolid” jamoasi ham aynan Ronaldoga tegishli.

• Futbol