Rossiya Federasiyasining “Smartavia” va “iFly” aviakompaniyalarining O‘zbekistonga amalga oshiriladigan parvozlari vaqtincha bekor qilindi. Bu haqda Transport vazirligi huzuridagi Fuqaroo aviasiyasi agentligi xabar berdi.

Qayd etilishicha, O‘zbekiston Respublikasi fuqaro aviasiyasi aerodromlariga bir martalik parvozni amalga oshirish uchun taqdim qilingan so‘rovnomalariga “O‘zaviasiya” agentligi tomonidan ruxsatnomalar oldindan rasmiylashtirilgan.

Biroq, “Smartavia” aviakompaniyasi tomonidan 2022 yil 7 mart kuniga rejalashtirilgan Moskva – Urganch – Moskva yo‘nalishidagi parvoz bajarilmasligi yuzasidan aviakompaniya tomonidan rasmiy tushuntirish berilgan.

Shunnigdek, “iFly” aviakompaniyasi 2022 yil 5 martdan boshlab, O‘zbekiston Respublikasiga bajarilishi kutilayotgan hamda barcha rejalashtirilgan yo‘nalishlarda o‘z parvozlarini noma’lum muddatga to‘xtatganligi xaqida rasmiy ma’lumotni O‘zbekiston aviasiya ma’muriyatiga taqdim etilgan.

Ma’lum qilinishicha, bekor bo‘lgan aviaqatnovlar yo‘lovchilari aviachipta pullarini qaytarish yoki chiptalarini boshqa muddatga qayta bronlash masalalari yuzasidan ushbu chiptalarni xarid qilgan aviakassalarga murojaat etishlari tavsiya etiladi.

Shu o‘rinda yo‘lovchilar va aviakassalar mutasaddilaridan aviachiptalarni sotib olish yoki sotishdan oldin “O‘zaviasiya” agentligi veb-saytining bosh sahifasidagi “Axborot jadvali” bo‘limida rejalashtirilgan charter parvozlarining holati bilan tanishib chiqish maqsadga muvofiq bo‘ladi.

• Aeroport
• O‘zbekiston
• Rossiya
• Samolyot
• aviatsiya