Kecha, 9-avgust, seshanba kuni Toshkent vaqti bilan soat 10:52 da uchirilgan Rossiyaning “Soyuz-2.1b” raketasi yordamida Yerni masofadan turib zondlash uchun mo‘ljallangan Eronning “Xayyom” kosmik kemasi nishon orbitasiga muvaffaqiyatli uchirildi. Qayd etilishicha, parvoz Qozog‘istondagi Bayqo‘ng‘ir bazasida joylashgan “Frigat” kosmodromidan turib amalga oshirilgan.
“Bugungi tadbirning ahamiyatini ortiqcha baholab bo‘lmaydi. Sun’iy yo‘ldoshning Eron manfaatlari va buyrug‘i bilan muvaffaqiyatli uchirilishi Rossiya-Eron ikki tomonlama hamkorligida muhim bosqich bo‘lib, yangi va hatto yirik loyihalarni amalga oshirishga yo‘l ochdi. Rossiya, avvalgidek, barcha manfaatdor davlatlar va sheriklar bilan koinotni o‘rganish sohasida hamkorlikka ochiq. Ishonchim komilki, koinot mavzusi siyosiy konyunkturadan (bozor faolligi bilan tavsiflangan iqtisodiy vaziyat) tashqarida qolishi, butun insoniyat va jahon ilm-fani manfaati uchun xizmat qilishi kerak”, – dedi “Roskosmos” davlat korporasiyasi bosh direktori Yuriy Borisov Eron kosmik kemasining uchirilganidan so‘ng.
Ushbu parvozdan so‘ng unda ishtirok etgan raketa va kosmik sanoati mutaxassislarining jangovar ekipajiga minnatdorchilik bildirilgan.
“Barchangizga bugungi muvaffaqiyatli ishga tushirish uchun qilgan mashaqqatli mehnatingiz uchun samimiy minnatdorchiligimni bildirmoqchiman. Bugungi kun mamlakatlarimiz o‘rtasidagi munosabatlarda tarixiy kunga aylangani uchun Eron Islom Respublikasi hukumati va Eron xalqi nomidan alohida minnatdorchilik bildiraman. Bugun mamlakatlarimiz o‘rtasida koinot sohasida yangi hamkorlikning boshlanishi uchun burilish nuqtasi bo‘ldi”, – dedi Eron aloqa va axborot texnologiyalari vaziri Iso Zarepur o‘z navbatida.
Eron sun’iy yo‘ldoshi bilan birgalikda Rossiyaga tegishli 16 ta kichik raketalar orbitaga chiqarilgan: “CubeSX-HSE-2”, “Monitor-1”, “UTMN”, “CYCLOPS”, “Siren”, “KAI-1”, “Kuzbass-300”, “Skoltech-B1”, “Skoltech-B2”, “Polytech Universe- 1”, “Polytech Universe-2”, “Vizard”, “Geoscan-Edelweiss”, “MIET-AIS”, “ISOI” va “ReshUCube”.
Ma’lumotlarga ko‘ra, kichik sun’iy yo‘ldoshlar Sankt-Peterburg politexnika universitetida, “VOYeNMEX” Boltiq davlat texnika universitetida ishlab chiqariladi.
Sun’iy yo‘ldoshlar ilmiy va texnologik tadqiqotlar, jumladan, sun’iy yo‘ldoshlararo aloqa kanallarini amalga oshirish texnologiyalarini ishlab chiqish, elektromagnit nurlanish darajasini o‘lchash, Yerni masofadan turib zondlash hamda ekologik vaziyatni kuzatish uchun mo‘ljallangan.
Bu 2022-yilda Rossiya raketasining 12-chi va Bayqo‘ng‘ir kosmodromidan to‘rtinchi uchirilishi bo‘ldi. “Soyuz-2.1b” raketasi uchun bu parvoz 57-chi, “Fregat” yuqori bosqichi uchun esa tarixda 109-chi parvoz bo‘ldi. “Soyuz-2.1b” raketasi “Progress” raketa-kosmik markazi – Lavochkin nomidagi Ilmiy-ishlab chiqarish birlashmasi tomonidan ishlab chiqarilgan (Roskosmosning bir qismi).
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!