Rossiya Tashqi ishlar vazirligi matbuot kotibi Mariya Zaxarova bayonotida, Moskva Isroil-Falastin mamlakatlarini barqaror sulh tuzishga chaqirdi.

Bayonotda Moskva Isroil-Falastin mojarosi hududidagi zo‘ravonlikning yangi bosqichidan jiddiy xavotirda ekanligi aytilgan.

“Rossiya barcha manfaatdor tomonlarni darajada vazminlik ko‘rsatishga, harbiy harakatlar kuchayishiga yo‘l qo‘ymaslikka va zudlik bilan o‘t ochishni to‘xtatishga chaqiradi.”, — deb qo‘shimcha qildi Zaxarova.

Uning so‘zlariga ko‘ra, 5-avgust kuni Isroil harbiy-havo kuchlari G‘azo sektoriga hujum qilganidan so‘ng keskinlik kuchaygan.

Maʼlumotlarga koʻra, Isroil hujumlari oqibatida oʻn nafar falastinlik halok boʻlgan, 80 dan ortiq kishi yaralangan.

Keltirilishicha, Moskva bu mojaro keng ko‘lamli harbiy qarama-qarshilikka olib kelishi va G‘azo sektoridagi vaziyatni yanada og‘irlashtirishi mumkinligidan xavotirda.

Ma’lumot uchun, Isroil mudofaa kuchlari avvalroq “Tong otishi” operatsiyasini boshlab, “Islomiy jihod” guruhining G‘azo sektoridagi nishonlariga zarba bergan edi.

• Falastin
• Isroil
• Mariya Zaxarova
• Rossiya